تعودنا أن نذكر مزايانا اللي تسمو بنا لصفوف الملائكة رغم أن معظمها من بنات أفكارنا ولا وجود لها في الحقيقة لأن الإنسان بطبيعته لايعترف بعيوبه .. لكنني اليوم سأكسر القاعدة وسأعترف بعيوبي ..
بكل صدق وشجاعة أعترف أن أكبر عيوبي هي :
1) الإندفاع في تصرفاتي لدرجة تخليني بعدها آعض أصابع الندم حسرة على قيامي بهالتصرف .. يعني آتصرف بدون مافكر في عواقب تصرفاتي
2) حساسيتي المفرطة تجاه كل تصرف وكل كلمة تنقال لي ولو كانت بحسن نية .. يعني كلمة ترفعني السما وكلمة تقطني القاع والمشكلة إني آذخر كل شي ولازم آبرد قلبي في اللي حرني طال الزمان ولا قصر
3) العصبية اللي تخليني آفقد زمام السيطرة على بعض الأمور اللي ماتستدعي أصلا هالعصبية .. يعني آطلع من طوري وآسوي اللي مايستوي .. يعني خذو بالكم مني
4)ملولة .. يعني آتملل من كل شي روتيني متكرر .. ثيابي .. سيارتي .. تلفوني .. دراستي وساعات آتملل من روحي
5) أحسب الناس مثلي بطيبي وعلى نفسي أبديهم .. أأمنهم وهذا هو عيبي ومليون مرة أنصدم فيهم .. يعني حسن النية اللي ودتني ورا الشمس يوم إني أحسب الناس مثلي وبكل براءة آتعامل معاهم وهم ....................
هاذي أشياء من جملة عيوب فيني قلتها بكل صدق وصراحة والله على ماأقول شهيد ..
الحين اريد منكم الشجاعة في الإعتراف بعيوبكم ((الرئيسية)) واللي تعيق سير حياتكم بشكل طبيعي ..
لكم مني كل الشكر ..